Kjapp reiserapport Volda – Kiel – Volda

Eg er den første til å tilstå at eg er særs heimekjær og er ikkje veldig flink til å reise på tur. Men enders og ein gongen er det kjekt å sjå noko anna enn Rotsethornet 🙂

Når Kjellrun og Ole var her på besøk i sommar, kom det på snakk å reise ein tur med Kielferga. Som sagt, so gjort. Me bestemte ei veke, og Kjellrun ordna billettar. Det var longt opp og fram, men bess i senn var veka koma.

Tonna kom på den glupe ideen at me reiser til Hamar og besøker Tonje, Sunniva og Erling og tek toget derifrå til Oslo S. På den måten fekk me sjå dei også. Det var veldig koselig. 🙂

Bilturen mandag gjekk ganske radig. Var glad det ikkje var eg som kjaurde, for i den eine av dei mørke, smale Strynefjellstunellane møtte me Hugos Tivoli på veg til Strynemessa. Minst 10 store trailerar, som må ligge midt i vegbana for å få plass. Offa. Då var det godt med stødig sjåfør 🙂

Hos Pillarguri kafè på Otta kvalitetssikra me elgkarbonader med soppsaus. Aldeles nydelig, – men tok litt tid 🙂

Erling hadde venta sånn på oss at han ikkje hadde tid til verken å ete middag, eller leike etter barnehagen. Han ville berre sjå i vindauga om me kom snart. Tida vert veldig long for sånne små, når ein ventar og gler seg til noko. Når me endelig kom, fekk me sjå litt på leikene hans. Morfar fekk lage kveldsmat og Besta fekk hjelpe til med kle og bad. Han viste også at dei hadde laga seng til oss. 🙂

Tonna sjekka veirmeldingane for dei neste dagane, og dei viste storm mellom Oslo og Kiel. Me ville ikkje tru på det, men det var nok til å sette fantasien i gong, og Tonje laga nokre ganske bra bilder i haudet mitt etterkvart 🙂

Me møtte Knarbakk`s på Oslo S og tok buss til kaia der Color Fantasy låg og venta på oss 🙂

Avgang kl.14.00. Me fekk innstallert oss på lugaren og var klar til å utforske båten 🙂

Kjellrun og eg måtte sjølvsagt utforske litt butikkane,

so det var fint at der var «manneparkering» 🙂

Det var tidlig ettermiddag, so en tur opp i skybaren og sjå på utsikta var på sin plass.

Tøff i trynet, men venta på storm 🙂

Medan vi sat der, bles det opp. Meir og meir. Her oppe kunne me sjå bårene kome, so me var litt forbereidde på bevegelsane. Me hadde lyst å sjå showet kl. 19.00, og ville kle oss om før den tid. Då me kom lenger ned i båten rulla det ganske bra, og me hadde ikkje same oversikta som me hadde øverst i båten. Det var fleire som måtte ta ektsra steg til sides 🙂 Den store lysekruna svinga bra, frå side til side.

Når me var klare for show, var det heilt fullt. Me måtte stå og halde oss fast i gelenderet. I heile salen sat folk og holdt fast på posane sine….  sceneteppe svaia att og fram, og enden på den visa var at showet vart avlyst p.g.a. vèret.

Då var det berre å finne seg en plass og sette seg ned og vente på middag. Me hadde reservert bord på Grand Buffet, og såg fram til utfordringa med å bere tallerknar mellom buffeten og bordet 🙂

Han som skulle vise oss til bordet syntest visst det var fole artig 🙂 Han forsvann i full fart, som en røyskatt gjennom restauranten, og me kom sjanglande etter 🙂

Det gjekk veldig bra. 🙂 Det vart både mat og drikke. Sjølv om matlysta ikkje var heilt på topp.

Det var godt å legge seg etter alle uvante bevegelsar, og vèret roa seg heldigvis etterkvart 🙂

På lugaren gjekk det an å fylgje reisa minutt for minutt også på tv.

I Kiel var det litt kaldt og regn -so det vart først kjøpesenter, der Kjellrun fekk seg ny koffert. Litt tidleg bursdagsgåve 🙂

Ettepå fann me ei fin gammal kirke «Sankt Nikolai». En fredelig liten plett i en ellers travel by. Det var ei sånn kirke det var godt å kome inn i.

 

Det vart ei passande anledning til å tenne lys. Eg tende to:

Eit for vårt kjære søskenbarn Gudbjørn Kvenseth, som kjempar for livet sitt med regional cellegiftbehandling nettopp i Tyskland. Denne behandlinga har hatt god effekt for monge, men er veldig dyr (200.000 pr.beh.) og blir ikkje dekka av staten. Om nokon vil hjelpe er kontonr. 9801 55 42519. Det er også ei gruppe på facebook: «Gudbjørn sin kamp om livet». Me har Gudbjørn og familien i tankane, og håper og trur at dette går bra.

Det andre lyset tende eg for alle dei andre som slit med noko. Det kan vere so mykje. Foreståande operasjonar, sjukdom, einsomheit, eksamen, osb.osb.osb. Alle har sitt og stri med.

Vel. Tilbake til turen 🙂

Me måtte kome oss ombord i båten igjen, so me ikkje vart akterutseilt 🙂

Ombord igjen i båten vart det litt lunch, taxfree og avslapping før middag.

Denne kvelden hadde me reservert bord heilt bak i båten, på Oceanic à la Carte.

Fantastisk god mat og flott service. Virkelig luksus. Stille og rolig. Servitøren kunne til og med berolige oss med at det ville ikkje bli storm igjen før etter kl.21 🙂

Mette og go, kunne me prøve oss på showet igjen 🙂

Det var eit flott show, med musikk av både Michael Jackson, Abba og mykje anna. Laserlys og styr 🙂

Ettersom showet gjekk sin gong drønna det meir og meir i båten, og det byrja å gjynge igjen. Men ikkje so gale denne kvelden som kvelden før – heldigvis 🙂

Det vart ei lita pubtrubadur-butikkrunde til slutt før det vart å finne senga. Fint å få legge frå seg kroppen, og sleppe den ufrivillige sjanglinga 🙂

Tilbake på Oslo S var me alle samde om at det hadde vore ein fin tur 🙂

Kjellrun og Ole reiste til Trondheim og me reiste tilbake til Hamar.

På Hamar var me so heldige at Tonje kunne møte oss på stasjonen, slik at me fann rette bussen heim til dei 🙂

Me fekk vere med og hente Erling i barnehagen, og det var kjekt å leike litt med han. Morfar er veldig flink å bygge togbane f.eks. 🙂

Fekk løyve av mamma og mammo til å kjøpe kinderegg til laurdagsgodt, då passa det bra at denne karen sto på taxfree og venta på oss 🙂

Fredag måtte me tenke på heimvegen igjen. Det var fint å sjå den vesle familien på Hamar.

Kunne ikkje dy meg for et par snappar på heimvegen 🙂

På Strynefjellet vart me minte på kva slags årstid som nærmar seg.

Sånn er det berre. 🙂

Takk for turen, Kjellrun, Ole og Tonna 🙂

Takk for kost og losji, Tonje, Sunniva, Erling og Zelda 🙂

 

 

100 år gammal stil.

Under opprydding fann vi Besta si stilbok frå «Sunnmøre ungdomsskule» i 1916/17. Desse stilane fortel om ei meget reflektert dame på 20 år, det er akkurat 100 år sidan i år. Marta var fødd i 1897. Eg kjende ikkje Besta før ho var koma godt ut på hausten. 🙂 Ho var ei klok, dyktig og respektert dame. Har lyst å dele denne om mennesket og årstidene:

 MENNESKJELIVET OG AARSTIDENE.

Av Marta Lid

Marta Lid

Menneskjelivet er delt i fire bolkar: Barndom, ungdom, manndom, og alderdom. Aarstidene er og delt i fire bolkar: Vaar, sumar, haust, og vinter. Det er mangt i menneskjelivet som kann liknast med ymse ting i aarstidene. Soleis kann me likna barndomen med vaaren. Sjaa naturi kor daud ho ligg um vinteren. Men straks soli vender, byrjar ein aa sjaa dei fyrste livsteikni. Nokre smaa, grøne tunne straa kjem glyttande upp or jordi. Dei veks og spreider seg, og straks hev jordi fenge vaarbunaden paa seg. Me plantar og saar, og me ventar paa aa faa rik grøda naar hausten kjem. Trei stend med halvferdig klædnad, men smaatt um senn hev naturi fenge heile sin prydnad, og ho yrer av liv. 

Slik er det med menneskjelivet og. Sjaa paa det vesle barnet som ligg i vogga kor det utviklar seg. Fyrrstundes var det baade skralt og lite aa sjaa til. Men det trivst og veks, og snart hev det vakse fraa vogga. Snart er det kome so langt at det kann tenkja klaart, og fylgja med kva som vert sagt,  men ein ting kann det ikkje skyna so snart, og det er til aa skilja millom godt og vondt. Kor naudturvelegt det er aa saa berre god saad inn i barnesjæli. Ho er liksom jordi um vaaren, ho tek imot alt som vert bode henne. 

Smaatt um senn utviklast barnet og vert stort og sterkt, og snart hev det kome so langt at det stend paa skilet millom barndom og ungdom. Den overgongen fraa barndom til ungdom gjeng so umerkande fyr seg, at ein veit ikkje av fyrr ein er ungdom.

 

Slik er det med vaaren og. Det spirer, veks og grønskast, og snart stend alt og glimrar i skiftande fargar som tyder paa at det er sumar. Her er yvergongen so fin at han merkast ikkje. Alt er ljost og fagert, og naturi stend i høgtidsskrud. Sumaren vert og delt i to bolkar: fyresumar og ettersumar. Fyrste bolken liknar ein med ungdomen, og den andre med manndomen. Sjaa naturi, til dømes graset og kornet. Det spirer, veks, blømer, ber frukt, og mognast til hausten. Slik med menneskjelivet og. Barnet utviklar seg til ungdom, og ungdomen til manndom. Ungdomstidi er ei draumetid, som set store voner til framtidi. Manndomen hev tyngste byrdene aa bera. Det gjeng framyver paa livsvegen, men ofte med brotne voner. 

Smaatt um senn byrjar det aa gaa attende, og ein lyt flytta over til den fjorde bolken som kallast alderdom. Ein byrjar verta trøytt, kvider seg for aa gjera det som fyrr var til størst hugnad. Haaret graanar, andlitet vert skrukkut, fingrane stive, og ryggen bøygd. Føterne sviktar, og til hjelp maa ein bruka stav. Menneskjelivet hev baade uppgangs og nedgangstid. Naar ein tek til aa eldast mykje, vert det rekna med at ein er barn andre gongen. Berre ein kunne vera so skuldlaus og rein som fyrste gongen.

Det er haust. Naturi hev nedgangstid. Alt som stod i den skiftande, væne sumarsbunaden hev no fengje ein anna daam yver seg. Frukti er mogi og maa sankast. Trei stend no gulspraglute og halvnakni, og kjempar for aa faa halda attende siste bladi sine. Men det lukkast ikkje.

Dei harde, kalde, hjartelause vinterstormane rasar  yver jordi. Dei riv og slit i trei, og fær tilslutt vinning yver dei stakkars arme bladi som trei varde um. 

Naturi hev teke syrgjekaapa paa seg, og stend ferdug til aa taka mot bodet om aa gaa til kvila. Snøen kjem, og sveiper jordi inn i den kvite kaapa si, men liksom han vil segja: «Du skal ikkje ottast, eg vil berre gøyma deg ei tid, og so skal du atter faa staa upp, og nye friske spirar skal skyta or deg»

Jordi gjeng til kvila.

Slik er det og med menneskjelivet. Alderdomen trengjer paa. Ein vert gamall og stusleg, og luter etter gravi. Menneskjet stundar etter kvild. Dauden kjem imot oss, og liksom vetteren segjer han: «Ver ikkje redd, fyr eg vil berre flytta deg yver til ein betre stad.» Dette segjer han til dei lukkelege menneskji. Dei fær gaa til kvila, for atter aa staa upp. So kjem den dagen daa alle skal staa upp, og kvar faa løn etter si gjerning. «Den som hev gjort det gode, til livsuppstoda, men den som hev gjort det vonde, til domsuppstoda.»

 

Menneskjelivet og aarstidene liknar mykje einannan. Det hev den store skilnad at menneskja liver ikkje so reint og heilagt som ho skal, avdi ho syndar. Naturi derimot er reinare og meir heilag, avdi ho er so som Gud skapte henne. 

Lat oss læra av naturi sin reinleik.

Takk for at du var du Besta ❤

 

Ramslauk :)

Eit nytt innlegg i serien «Gunhild gjer ting ho ikkje kan», eller iallfall ikkje har prøvd før. 🙂

Eg hadde ikkje haurt om ramslauk før vi opna Spiskammerset AS, og fekk selge Ramslaukpurè frå Nordal. http://ramslauk.com/ etter å ha smakt den, vart vi hekta og har brukt den mykje sidan.

Ramslauk er ei urt som vart brukt allereide i vikingtida. Det er norge sin kvitlauk, og minst like god 🙂 Den veks villt i lavlandet frå austlandet til trøndelag. Likar seg best i tett lauvskog, med lite sol. Den har vore brukt som medisinplante, har antibakteriell virkning, er bra for blodsirkulasjon – dermed hjerte/kar, er bra for ballansen i tarmfloraen, fordøyelse, kolikk,  og mykje anna.

Nok om det 🙂 Det var Nordis, søstra mi som visste om denne hemmelige, lure plassen der den veks, og ho hjalp meg å plukke oppi ein pose. No skulle det prøvast – å lage alle desse godsakene av ramslauken. 🙂

Eg vart litt sein heim den kvelden vi var å sanka. Nordis meinte eg kunne berre legge blada i kaldt vatn til neste dag, og det syns eg var ein god ide. Sidan dei må vaskast godt uansett. Eg vaska godt vaskane på kjøkenet og la alle blada oppi, og tappa vatn på. Men det gjekk ikkje lenge før eg såg føre meg at eg kom opp neste morgon, og kjøkkenet var fullt av sniglar og styr som hadde kome krypande utav diverse gøymeplassar. Dermed gjekk eg laus og vaske – eit og eit blad for å vere sikker på at alt utøy var vekk. So la eg dei i tomme isboksar, tappa vatn på og la på lok til neste dag. 🙂

Neste dag skylde eg igjen, rista dei, og la dei til tørk utover bordet. Det var då eg kjende att lukta – slik det lukta etter ein skikkelig regnskur i barndomen. Ramslauken har nok vore der ja, eg visste det berre ikkje 🙂 Mor likar den ikkje, for ho huska kor mjelka smakte når kyrne fekk tak i godsakene 🙂 Ho fekk smake når vi hadde på butikken. Trur det er første og einaste gong eg har haurt henne sei BLÆH.:)

Då var det å sette i gong med sjølve produksjonen. Oppskrifter og råd fann eg på nettet. 🙂

Ramslaukpurè: Ramslauk, olje, litt salt.

Veldig godt både til fisk og kjøt. Ei tesjei i smelta smør, litt meir i eit beger rømme, i olje og marinere kotelettar eller biff. Blande i smør til bakt potet.

Ramslaukolje: Ramslauk, olje, litt salt. Må stå i kjøleskapet eit par dagar før ein silar den.

Brukast i marinade, til salat, i dressing, dip.

Ramslauksmør: Ramslauk, Meierismør, Brelett.

Spesielt godt til bakt potet, eller på loffskiva til salat. Det går også fint å bruke litt ramslaukpurè i smør.

Ramslauksalt: Ramslauk, Havsalt. Tørkast og blandast.

Har eg ikkje prøvd før, det blir spennande 🙂

Eg har brukt kjøkkenmaskin med kniven for å få litt grovare hakk. Det går ellers an å bruke stavmiksar eller blender, då blir det meir mosa.

Dette med bruk av kjøkkenmaskin… Du har hatt oppi alt du skal. Slår på og det bråkar. Du står og ser på og ikkje forstår kvifor det ikkje skjer noko meir. Du slår av og på igjen og det er sameleis. Eit lite tips berre… Prøv å sette nedi kniven 🙂 🙂

No kan iallfall vi gle oss til grillsesongen.  🙂

Namnam 🙂

 

Kjøkenhage ?

Uten et skvadder av peiling på grønnsakdyrking og hagebruk, gyve me laus.

Etter at ein kjekk nabo ordna pallekarmar, gjekk turen sporenstreks til Tilseth Hagesenter og handle ? Det gjekk med litt meir mold enn me trudde, 7-8 sekkar i kvar. Bra det var tilbud.

No skal det etter planen bli jordbær, gulrøter, salat, reddikar og persille.

? Trur kanskje eg har planta litt for mykje frø. La ikkje merke til at det sto: «nok til ca. 10 m.» på pakken med salat. ? Var litt meir moderat med dei andre sortane når eg opfatta dette.

Jaja. Kanskje det ikkje er liv i alle. Er greit å ver på den sikre sida,  kanskje eit og anna veks opp ? Blir fole spennande å fylle med dei neste vekene.

Einaste måten å lære på er å prøve 🙂

Og ein gong må vere den første 🙂

Wisj mi lukk 🙂

Verdens finaste adventskalendar :)

1.desember kom det ein tjukk konvolutt til meg i posten.

Spent på innhaldet opna eg den sjølvsagt, og fann 24 fint bretta lappar 🙂

Gjett om eg vart glad 🙂 Kjekt å få konvolutt i posten, og kjempekjekt at Anette har tenkt på meg, og laga den flotte overaskelsen. Mykje arbeid, -finne kva som skulle stå, skrive det og brette lappane so fint. Eg la lappane i ei korg og kosa meg med ein kvar dag til og med julafta. Eg hadde stor glede av denne adventskalendaren. På lappane sto det fine linjer som er verdt å ta til seg. Vart rørt av meir enn en 🙂

Har lyst å dele desse med dokke:

Adventskalendar
  1. Hvis jeg hadde en blomst for hver gang jeg tenker på deg, kunne jeg rusle rundt i hagen min for alltid.
  2. Tiden har forandret oss – men ført oss nærmere hverandre. Mor og barn – venner for livet.
  3. Det er bedre å tenne et lys enn å forbanne mørket.
  4. Mother is another word for Love.
  5. Du er min lærer, min rådgiver og min største inspirasjonskilde.
  6. Av og til er en mors styrke sterkere enn naturkreftene.
  7. Kvinner er klokere enn menn, fordi de vet mindre og forstår mer. 
  8. Hvilken dag er det?  – Det er i dag, svarte Nasse Nøff. – Min favorittdag! Sa Ole Brumm.
  9. Det er ikke en stor heltedåd som viser hvem du er. Det er de små tingene du gjør hver dag som teller.
  10. Mødre holder barnas hender en liten stund, men deres hjerter for alltid.
  11. Alle nye ideer begynner med en som tar feil , mens resten har rett.
  12. En bekymring er som en gjyngestol, den gir deg noe å gjøre, men den får deg ingen stede
  13. Det mest avanserte av alt avansert er det enkle.
  14. Dagen i dag er morgendagen du drømte om i går.
  15. Å vite at du er der – enten det er nært eller langt unna – betyr at jeg aldri er alene.
  16. Vi finner ikke lykken, vi skaper den.
  17. Gud kan ikke være overalt. Derfor skapte han moren.
  18. En genser er et plagg som bæres av et barn når moren fryser.
  19. Takk kjære mamma for at du alltid stiller opp. Du lytter til det jeg har å fortelle. Jeg syns du er helt topp!
  20. Når du er tung til sinns, se deg om etter noen du kan glede! Det hjelper!
  21. Problemer er som en vaskemaskin. De snur og vender og rister oss rundt, men sluttresultatet er at vi kommer ut bedre og renere enn før.
  22. En god samvittighet er en myk hodepute.
  23. Litt vondt skal menneskene ha, ellers holder de opp å være mennesker. Så setter de seg bare og kjeder seg og vet ikke hva glede er.
  24. Jeg hadde et klart bilde av hvordan englene så ut, for englene hadde mamma sitt ansikt.

TUSEN TAKK KJÆRE GODE ANETTE MI. VELDIG GLA I DEG 🙂

Anette